|
Kynningarfundur með landeigendum um nýja veglínu 5. janúar 2012 |
 |
 |
 |
|
Skrifað af: Kjartan Jónsson
|
|
Þriðjudagur, 10. janúar 2012 08:22 |
|
Skipulags- og byggingarnefnd Mýrdalshrepps bauð landeigendum á svæði væntanlegrar nýrrar veglínu um Mýrdal til kynningarfundar um málið í Leikskálum fimmtudaginn 5. janúar kl. 20:00. Til fundarins var boðað á vef sveitarfélagsins, www.vik.is, þriðjudaginn 3. janúar. Í fundarboði segir: „Á fundinum verða lagðar fram og kynntar nákvæmari teikningar af þeim svæðum sem væntanlegur vegur fer um“.
Í upphafi fundar las Guðni Einarssons frá Þórisholti upp yfirlýsingu frá 10 landeigendum og gekk síðan af fundi. Að yfirlýsingunni standa eftirtaldir landeigendur:
Ásmundur Sæmundsson Hryggjum
Þorsteinn Gunnarsson Vatnskarðshólum
Eva Dögg Þorsteinsdóttir Garðakoti
Helgi Númason Norðurgarði
Atli Hróbjartsson Brekkum
Guðni Einarsson Þórisholti
Grétar Einarsson Þórisholti
Guðrún María Gunnarsdóttir Reynisholti 2 og 3
Ólafur Guðjónsson Kvíabóli
Jakobína Ragnarsdóttir Görðum
Yfirlýsingin:
Viðtakandi:
Skipulags- og byggingarnefnd Mýrdalshrepps
Austurvegi 17
870 Vík
Við undirritaðir landeigendur í Mýrdalshreppi lýsum furðu okkar á vinnubrögðum skipulags- og byggingarnefndar við boðun kynningarfundar um nýja veglínu með landeigendum í Mýrdal í kvöld.
Til fundarins er boðað með einungis tveggja daga fyrirvara með tilkynningu á vef sveitarfélagsins þrátt fyrir að fundurinn hafi verið löngu ákveðinn samanber fundargerð nefndarinnar frá 8. desember, en hún var ekki birt á vef sveitarfélagsins fyrr en í gær, 4. janúar.
Þessi stutti fyrirvari er óskiljanlegur. Svo virðist sem skipulags- og byggingarnefnd ætlist til þess að landeigendur og aðrir hagsmunaaðilar fari daglega inn á vef sveitarfélagsins til að athuga hvort þeir séu boðaðir á fund. Ætla mætti að þeir landeigendur sem ekki eru búsettir í sveitarfélaginu séu óvelkomnir þar sem fundurinn er boðaður með svo stuttum fyrirvara.
Í plagginu „Viðbrögð við athugasemdum“ dagsett í desember 2011 sem birt var á vef sveitarfélagsins í gær segir: „ ... unnt hefði verið að hafa enn meira samráð í skipulagsvinnunni en lög gera ráð fyrir. Til að bregðast við þessum ábendingum mun Mýrdalshreppur boða til fundar með landeigendum“.
Okkur er fyrirmunað að sjá að tilgangurinn með þessum fundi sé að bæta fyrir skort á samráði við landeigendur í skipulagsvinnunni. Sveitarstjórn samþykkti á fundi sínum 15. desember s.l. breytingu á aðalskipulaginu og framlagningu þess til Skipulagsstofnunar. Kynning á löngu teknum ákvörðunum sem teknar voru án viðhlítandi samráðs við okkur um nýja veglínu í gegnum eignarlönd okkar, sem við höfum mótmælt með sterkum rökum og greinargerðum, er ekki samráð, heldur framhald á þeim yfirgangi sem við og aðrir eigendur lands og fasteigna höfum mátt þola af sveitarstjórn Mýrdalshrepps.
Við mótmælum þessum vinnubrögðum sveitarstjórnar og skipulags- og byggingarnefndar Mýrdalshrepps harðlega og sjáum ekki tilgang í að taka þátt í sýndarmennsku af því tagi sem fundur þessi ber augljósan vott um.
Í Mýrdalshreppi, 5. janúar 2012
Afrit:
Sveitarstjórn Mýrdalshrepps, Austurvegi 17, 870 Vík
Skipulagsstofnun, Laugavegi 166, 105 Reykjavík |
|
Síðast uppfært: Þriðjudagur, 10. janúar 2012 08:32 |
|
|
Fjöldi ófærðar/lokunardaga á leiðinni Vík-Jökulsá og á Mýrdalssandi 2001-2010 |
|
|
|
|
Skrifað af: Kjartan Jónsson
|
|
Föstudagur, 09. desember 2011 12:20 |
|
Hér eru upplýsingar um fjölda ófærðar/lokunardaga á leiðinni Vík-Jökulsá og á Mýrdalssandi árin 2001-2010.
Á þessu tímabili hefur leiðin Vík-Jökulsá lokast að meðaltali í 0,7 daga á ári og Mýrdalssandur hefur lokast í 0,4 daga á ári. Í 5 ár af 10 lokuðust leiðirnar aldrei af völdum veðurs eða ófærðar.
|
|
Nánar...
|
|
Umsagnir um drög að aðalskipulagstillögu Mýrdalshrepps 2012-2028. |
|
|
|
|
Áætlun Siglingastofnunar um veghæð og hæð sjóvarnar fyrir vegstæði framan við Vík í Mýrdal. |
|
|
|
|
Skrifað af: Kjartan Jónsson
|
|
Mánudagur, 21. nóvember 2011 00:00 |
|
Að beiðni Vegagerðarinnar hefur Siglingastofnun gert grófa áætlun eða minnisblað um veghæð og hæð sjóvarnar fyrir vegstæði framan við Vík í Mýrdal. Áætlunin er dagsett í október 2011.
Í inngangi minnisblaðsins er áréttað er að um grófa áætlun sé að ræða og nauðsynlegt að skoða hina ýmsu þætti og samlíkur þeirra nánar áður en endanleg hæðasetning fer fram. Áætlunin er í viðhengi hér að neðan.
Hér er stuttur útdráttur með helstu niðurstöðum minnisblaðsins:
- Suðurströnd Íslands er meðal þeirra strandsvæða í heiminum þar sem öldur eru hæstar. Ströndin við Vík er eins langt frá því að vera í jafnvægi sem verið getur. Því er töluverð óvissa um það hvort eða hvar ströndin nær jafnvægi, hvort að það náist að stöðva rofið við núverandi sjávarkamb eða við varnarlínuna sem er nokkrum tugum metra innar.
- Á árunum 1992 til 1995 [...] var skilgreind varnarlína þar sem fyrst yrði gerð flóðavörn og síðar ef nauðsynlegt reynist ölduvörn til varnar landbroti.
- Vegstæði það sem verið er að skoða í skýrslu þessari er utan við varnarlínuna.
- Eins og í flestum sveitarfélögum landsins eru nokkur hæðakerfi í notkun. Sjókerfið eða hafnarkerfi sem Siglingastofnun notar miða við að „núllið“ sé um 0,1 m neðan við stórstraumsfjöru.
- Í þessu minnisblaði eru allar hæðir gefnar í sjókerfi, hæðakerfi Siglingastofnunar.
- Hæð sjávarkambsins í Vík framan við íþróttavöllinn þar sem mest mæðir á er í um +7,0 til +7,5 m hæð.
- Hér er það metið svo að veghæðin eigi að vera á bilinu +6,5 m til +7,5 m með sjóvörn sem sé um 0,6 m hærri eða í kóta +7,1 m til +8,1 m.
- Veghæð í göngum þar sem komið er út úr Reynisfjalli við Vík þarf að taka tillit til sjávarstöðuhækkana vegna gróðurhúsaáhrifa.
- Veghæð í göngum þarf að taka við af hæstu mögulegu sjávarstöðu á líftíma gangnanna auk upprennslis. Samkvæmt ofangreindu er sá kóti ekki lægri en +10,0 m í sjókerfi.
|
|
Síðast uppfært: Mánudagur, 21. nóvember 2011 10:53 |
|
Minnisblað um umhverfisskýrslu með drögum að Aðalskipulagi Mýrdalshrepps 2012-2028. |
|
|
|
|
Skrifað af: Kjartan Jónsson
|
|
Þriðjudagur, 15. nóvember 2011 00:00 |
|
UMÍS ehf. Environice hefur að beiðni Samtaka íbúa og hagsmunaðila í Mýrdal tekið saman álitsgerð um umhverfisskýrslu sem er hluti af drögum að Aðalskipulagi Mýrdalshrepps 2012-2028, dagsett í október 2011. Minnisblaðið er í viðhengi hér að neðan.
Í inngangi að minnisblaðinu segir meðal annars:
„Eins og fram kemur í greinargerð með drögum að Aðalskipulagi Mýrdalshrepps 2012-2028 var aðalástæða þess að ráðist var í endurskoðun skipulagsins á þessum tímapunkti sú, að haustið 2010 synjaði umhverfisráðherra staðfestingu á þeim hluta aðalskipulags sem þá lá fyrir er varðar breytta veglínu Suðurlandsvegar um Mýrdal. Var í því sambandi vísað til tveggja atriða, annars vegar að um vanhæfi hafi verið að ræða við afgreiðslu málsins í sveitarstjórn og hins vegar að skort hafi á upplýsingar um áhrif vegarins á náttúru og samfélag í Mýrdal. Þessu minnisblaði er m.a. ætlað að varpa ljósi á hvort sú umhverfisskýrsla sem nú liggur fyrir nægi til að bæta úr síðarnefnda ágallanum“.
|
|
Síðast uppfært: Þriðjudagur, 15. nóvember 2011 18:00 |
|
|
|
|
<< Fyrsta < Fyrri 1 2 3 4 5 6 7 8 9 10 Næsta > Síðasta >>
|
|
Síða 1 af 10 |
