Tillaga að aðalskipulagi Mýrdalshrepps 2009-2025 hefur verið send Skipulagsstofnun
Skrifað af: Administrator
Fimmtudagur, 25. mars 2010 19:31
Samkvæmt fréttatilkynningu frá sveitarstjóra Mýrdalshrepps hefur tillaga að aðalskipulagi Mýrdalshrepps 2009-2025 verið send Skipulagsstofnun sem gerir tillögu til umhverfisráðherra um lokaafgreiðslu hennar.
Þeir sem óska nánari upplýsinga um tillöguna og niðurstöðu sveitarstjórnar geta snúið sér til Gísla Gíslasonar skipulagsfulltrúa Mýrdalshrepps í síma 4875307, netfang:
Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.
.
Svör sveitarstjórnar við athugasemdum við skipulagstillöguna
Skrifað af: Kjartan Jónsson
Miðvikudagur, 24. mars 2010 20:54
Svör sveitarstjórnar við athugasemdum við skipulagstillöguna eru tekin saman í skjali sem ber yfirskriftina „Athugasemdir við auglýsta tillögu að aðalskipulagi og svör sveitarstjórnar við þeim“, sjá viðhengi. Skjalið var sent öllum þeim sem sendu inn athugasemdir.
Í skjalinu eru athugasemdir sem bárust flokkaðar og endursagðar og svör sveitarstjórnar sett undir sérhverja athugasemd þannig framreidda.
Samkvæmt upplýsingum frá sveitarstjóra Mýrdalshrepps bárust um 40 athugasemdir við auglýsta skipulagstillögu og skrifuðu margir aðilar undir sumar athugasemdanna. Skipulagstillagan, ásamt svörum þeirra sem gerðu athugasemdir, var samþykkt með nokkrum breytingum á fundi sveitarstjórnar Mýrdalshrepps þann 1. mars 2010.
Athugasemdir sem sveitarstjórn tók undir varða einkum fækkun á göngleiðum og reiðleiðum.
Í engu er tekið tillit fjölmargra athugasemda um breytta legu Suðurlandsvegar um Mýrdal, leið 3 samkvæmt aðalskipulagstillögunni.
Samþykkt tillaga að aðalskipulagi Mýrdalshrepps 2009-2025 verður send Skipulagsstofnun á næstunni með óskum um að hún hljóti staðfestingu ráðherra.
Í viðhengi eru athugasemdir sem 90 íbúar og eigendur lands eða fasteigna í Mýrdalshreppi sendu inn.
Athugasemdir 90 íbúa og eigenda fasteigna eða lands í Mýrdalshreppi
130 Kb
Síðast uppfært: Miðvikudagur, 24. mars 2010 21:00
Frestur til að skila inn athugasemdum við aðalskipulagstillöguna
Skrifað af: Kjartan Jónsson
Miðvikudagur, 13. janúar 2010 08:56
Vakin er athygli á frestur til að skila inn athugasemdum við aðalskipulagstillögu Mýrdalshrepps 2009-2025 rennurút 2. febrúar 2010. Athugasemdum við aðalskipulagstillögun skal skila skriflega til skrifstofu Mýrdalshrepps.
Aðalskipulagstillagan er til sýnis á skrifstofu Mýrdalshrepps að Austurvegi 17, 870 Vík og hjá Skipulagsstofnun, Laugavegi 166, 150 Reykjavík til 19. janúar 2010. Skipulagsgögn má einnig sjá á heimasíðu Mýrdalshrepps, www.vik.is.
Allir sem láta sig varða hagsmuni og velferð mannlífs, náttúru og umhverfis í Mýrdalshreppi eru hvattir til að kynna sér málefnið rækilega og taka upplýsta afstöðu. Á þessum vef er að finna mikið af upplýsingum um skipulagstillöguna ásamt viðhorfum einstaklinga, ályktunum félagasamtaka og umsögnum opinberra aðila. Sérstök athygli er vakin á umsögnum Umhverfisstofnunar, Vegagerðar og athugasemdum Skipulagsstofnunar við drög að aðalskipulagstillögunni frá því í sumar og haust.
Í auglýsingu Mýrdalshrepps segir að þeir sem ekki geri athugasemdir við aðalskipulagstillöguna innan tilskilins frests teljist samþykkir henni. Því eru allir sem telja sig eiga hagsmuna að gæta hvattir til að senda skriflegar athugasemdir til skrifstofu Mýrdalshrepps, Austurvegi 17, 870 Vík, fyrir 2. febrúar 2010.
Síðast uppfært: Miðvikudagur, 24. mars 2010 21:00
Athugasemdir Skipulagsstofnunar við aðalskipulagsstillöguna
Skrifað af: Kjartan Jónsson
Þriðjudagur, 10. nóvember 2009 17:44
Skipulagsstofnun gerir fjölmargar athugasemdir við aðalskipulagstillöguna í bréfi til Mýrdalshrepps dagsett 21. október 2009, sjá viðhengi. Meðal þess sem kemur fram í athugasemdum Skipulagsstofnunar er eftirfarandi:
"Skipulagsstofnun vekur athygli á að í niðurstöðu samanburðar allra vegkosta, að undanskildum þeim kosti að endurbæta núverandi leið, eru áhrifin neikvæð/veruleg neikvæð á náttúrufarslega þætti og neikvæð/verulega neikvæð eða óviss áhrif á náttúru- og menningarminjar".
"Bent er á að ef niðurstöður umhverfismats leiða til þeirrar niðurstöðu að tiltekin stefna/framkvæmd hafi í för með sér verulega neikvæð umhverfisáhrif á einn eða fleiri umhverfisþætti ætti að skoða aðra möguleika til að ná settum markmiðum".
"Með hliðsjón af náttúruvernd ætti því að hlífa Dyrhólaósi við raski, sbr. einnig afstöðu Umhverfisstofnunar í umsögn frá 5. ágúst 2009, eða segja með beinum orðum að stefna um legu hringvegar á þessum stað samræmist ekki markmiðum sveitarfélagsins í umhverfis- og verndunarmálum".
